Numri një i stolit të Vllaznisë, Goce Sedloski u shfaq i mërzitur për mediat pas eliminimit nga Egnatia në Gjysmëfinalen e Kupës.
“Na ndodh shpesh të pësojmë në fund dhe kjo ishte një gjysmefinale. Të gjithë jemi të zhgënjyer, nuk e kemi bërë punën si duhet. Djemtë luajtën në mënyrë korrekte por nuk dua të flas për disa gjëra që djemtë flasin në dhomat e zhveshjes.
Mendoj se kundërshtari nuk ishte aspak më i mirë se ne. Penalltia që na u anullua nuk e di… Por nuk vlen aspak tani pasi ata janë në finale. Të shohim ndeshjet që na kanë mbetur tani.
Nuk kemi kohë për të përmirësuar kondicionin fizik të lojtarëve pasi kemi ndeshje çdo 3 ditë. Diçka nuk shkon, pësojmë gola në minutë 90, ç’mund të themi tjetër?” – Tha ai.
