Kandidati për bashkinë e Tiranës nga ‘Lëvizja Bashkë’ Arlind Qori, ka komentuar sjelljet e kryeministrit Rama, gjatë takimeve elektorale në vend, dhe qasjen që ka treguar ndaj popullit.
Në fjalën e tij gjatë emisionit “Ora e Betit”, Qori tha se kryeministri po sillet në çdo takim elektoral, si “i piri” i dasmës, ndërsa u shpreh se Rama ka një keqpërceptim për popullin e tij që do t’i shkojë huq.
“Edi Rama ka një keqpërceptim që bazohet te përçmimi i tij për popullin. Kujton se bëhet popullor duke e konsideruar popullin si të jetë ai i piri i dasmës. Merr si njeri mesatar njeriun që shtrihet përtokë në dasmë, nuk është ashtu. Rama e karikaturon popullin. Mendon se duke u bërë fundërrina fare do bëhet popullor. Kam përshtypjen se do ti shkojë huq goxha kjo qasje por do ta shohim,“-tha në fjalën e tij Arlind Qori.
