Interi ka bërë të paimagjinueshmen ndaj Milanit duke shënuar dy gola në 11 minutat e para të lojës.
Kanë mjaftuar vetëm 8 minuta për të parë golin e parë në derbin e vlefshëm për gjysmëfinalen e Ligës së Kampioneve, me autor të golit Edin Dzekon.
Pas një harkimi nga këndi i Çalhanoglu, boshnjaku fiton duelin me Kalabrain dhe godet saktë!
Ndërkohë vetëm 3 minuta më pas Henrikh Mkhitaryan ka dyfishuar rezultatin.
Armeni pas asistit të Dimarkos, nuk fali brenda zonës duke goditur saktë, teksa mposhti portierin Menja.
