Tripadvisor ka zbuluar 20 destinacionet më të kërkuara për pushimet verore për britanikët këtë vit dhe Ksamili është një prej të preferuarve. Daily Mail shkruan se i pari që kryeson klasifikimet brenda vendit është Bembridge në Isle of Ëight, ndërsa Sardenja zë vendin e parë për nga vendet jashtë Mbretërisë së Bashkuar.
Në vendin e dytë në listën e vendeve të huaja është qyteti malor Hakone-machi i Japonisë dhe i treti është Ksamili, në ‘rivierën’ shqiptare.
Tripadvisor shpjegon se Ksamili njihet për bregdetin e me rërë të bardhë dhe ujë të kristaltë.
Pjesa tjetër e listës së huaj përbëhet nga Shinjuku, Japoni (i katërti); Chuo, Japoni (e pesta); Cala Santandria, Menorca, Spanjë (e gjashta); Da Nang, Vietnam (i shtati); Hoi An, Vietnam (i teti); Hong Kongu (i nënti); dhe Puerto Banus, Spanjë (10).
Renditjet bazohen në një kombinim të të dhënave të kërkimit nga Indeksi i Udhëtimit Sezonal të Tripadvisor të vitit 2023, i cili zbulon njohuri të tjera të ndryshme mbi planet e udhëtimit të britanikëve këtë verë.
Dy në pesë britanikë (43 përqind) synojnë të udhëtojnë më shumë këtë verë se sa më parë, vëren gjithashtu studimi i Tripadvisor, ndërsa 79 përqind planifikojnë deri në dy pushime.
Kur bëhet fjalë për vendin ku do të shkojnë, mbi një e treta (37 për qind) do të bëjnë udhëtime ndërkombëtare dhe vendase, ndërsa një numër rreth 32 për qind do të udhëtojnë vetëm jashtë vendit. Pjesa e mbetur 31 përqind do të shfrytëzojë sa më shumë motin më të ngrohtë të vendit, duke zgjedhur të pushojë në MB.
Megjithatë, në mes të krizës së vazhdueshme të kostos së jetesës, britanikët janë pak më të kujdesshëm sesa udhëtarët ndërkombëtarë kur bëhet fjalë për shpenzimet. Më pak se gjysma (46 për qind) po planifikojnë të shpenzojnë më shumë për udhëtime këtë verë, pothuajse 10 për qind nën mesataren globale.
Tripadvisor zbulon më tej se vetëm 18 për qind do të përdorin faqet e mediave sociale si Tiktok dhe Instagram për rekomandime udhëtimi, 45 për qind do të zgjedhin faqet zyrtare dhe 46 për qind nisen nga këshillat nga familja dhe miqtë.
Rreth gjysma (42 përqind) e britanikëve janë më të emocionuar për turnetë dhe aktivitetet në udhëtimet e tyre.
Eksperiencat më të rezervuara për verën 2023 përfshijnë turneun në këmbë të Gardës së Pallatit Buckingham në Londër, destinacionin nr. 1 më popullor në Mbretërinë e Bashkuar, si dhe një udhëtim ditor në Loch Ness dhe Malësitë Skoceze nga Edinburgu, qyteti i dytë më i popullarizuar në MB për të vizituar këtë verës.
