Baets Myrthe, 25 vjeçe me kombësi belge humbi jetën ditën e sotme në Valbonë.
Së bashku me një turiste franceze ishin duke eksploruar zonën turistike të Valbonës por për shkak të terrenit të thepisur ranë në një greminë dhe për pasojë humbën jetën.Trupat e pajetë u gjetën nga policia dhe ekipi mjekësor, por për shkak të terrenit dhe kushteve të këqija të motit është shumë e vështirë nxjerrja e tyre. Në ndihmë të shërbimeve policore është nisur menjëherë skuadra alpine e FNSh Shkodër.
Valbonë, Tropojë
Pas njoftimit se dy turiste të huaja, duke eksploruar zonën e Valbonës, ishin rrëzuar për shkak të terrenit të thepisur dhe kishin rënë në greminë, shërbimet e Komisariatit të Policisë Tropojë, ato të Drejtorisë Vendore dhe të Policisë Kufitare, së bashku me ekipin mjekësor, janë nisur menjëherë në drejtim të vendit ku kishin rënë dy turistet.
