Dy skuadra janë shumë pranë kalimit në finalet e play-off në konferencat përkatëse në NBA. Miami Heat udhëheq 3-1 serinë e ndeshjeve gjysmëfinale ndaj New York, pas fitores së fundit 109- 101 në Florida, duke qenë një fitore larg finaleve në Lindje.
Sfida e fundit ishte mjaft interesante, me Miami që i shfrytëzoi në maksimum dy ndeshjet në fushën e saj, duke i fituar të dyja. Jimmy Butler me 27 pikë e 10 asist ishte më i miri për vendasit, mbështetur edhe nga Adebayo me 23 pikë e 13 rebound.
Mirë u paraqit edhe stoli i Miami, nga ku erdhën 32 pikë. Për njujorkezët u dalluan Brunson me 32 pikë, Barrett me 24 e Randle me 20 pikë, por të vetëm nuk fituan dot.
Në Konferencën e Perëndimit, ekipi i Los Angeles Lakers fitoi në sekondat e fundit 104-101 ndaj kampionëve të Golden State, duke udhëhequr 3-1 me ndeshje.
Një paraqitje e mirë e Lakers në fazën play off, duke i fituar të gjitha ndeshjet e luajtura në fushën e tyre deri më tani. Sfida e fundit u vendos nga James me 27 pikë, Davis me 23 pikë e 15 rebound si dhe Reaves me 21 pikë.
Vendimtar me koshat e tij edhe Walker, që i realizoi të 15 pikët në periodën e katërt. Për Golden State, Stephen Curry realizoi një “triple double”, 31 pikjë, 10 rebund dhe 14 asist, por që nuk mjaftuan.
NBA-Konf.Lindje, Play off-Gjysmëfinale
Boston – Philadelphia (2-2)
New York – Miami (1-3)
NBA-Konf.Perëndim, Play off-Gjysmëfinale
Denver – Phoenix (2-2)
Golden State – Lakers (1-3)
