Miliona sy në 7140 metra katrorë. Gjatë 10 ditëve të ardhshme, fusha e “San Siro”-s do të shihet nga miliona njerëz në mbarë botën.
Ndërkohë derbi në rrjetet sociale përfundon 68 me 61 për Milanin: 68 milionë ndjekës kuqezi duke marrë parasysh të gjitha rrjetet sociale, 61 milionë ndjekës për zikaltrit.
Milani është më i ndjekur se Interi në “Twitter” (mbi 9 milionë kundrejt 4 milionëve), në “Instagram” (13.8 milionë me 9.2 milionë) dhe në “TikTok” (11.7 milionë kundrejt 9,4). Interi është përpara në “Facebook” – 31 milionë kundër 27 – dhe në rrjetet sociale kineze (“Weibo”, “Douyin”, “WeChat”…).
Interi po e shikon gjithashtu me kënaqësi periudhën e fundit, sepse diferenca në rrjetet sociale mes Milanit dhe Interit është ngushtuar shumë.
Në 12 muajt e fundit (krahasimi me majin 2022), kanali më i rritur është “TikTok” (+124%). Kënaqësi, megjithatë, erdhi edhe nga “Twitch”, i cili vitin e fundit ka parë që ndjekësit e tij janë rritur me 98.5%.
