Antonio Cassano ka dhënë mendimet e tij për gjysmëfinalet e Ligës së Kampioneve dhe sipas ish-sulmuesit italian, trofeu në fund gjithsesi nuk do të shkojë në dyert e një prej skuadrave të Milanos.
Duke folur si zakonisht në “Bobo TV”, Kasano ka dhënë mendimet e tij për ndeshjet, duke u nisur nga ndeshja e sotme mes Real Madrid dhe Mançester Sitit.
“Mes Mançester Sitit dhe Real Madrid them Siti, edhe për faktin se kam thënë që Siti fiton trofeun dhe jam koherent. Them se do të jetë 1-1 në ndeshjen e parë, ndërsa në të dytën fiton Siti me shifrat 2-0”, tha ai për përballjen e sotme.
Ndërkaq, derbi është një histori tjetër, ku ai ka folur edhe si tifoz. “Unë them se luan Xheko dhe menaxhimi i ndeshjes së fundit më bën të mendojë se do të luajë ai. Me Xhekon në fushë, Inzagi do të mendojë më shumë për menaxhimin e ndeshjes dhe te mbajtja e topit.
