Një 24-vjeçar grek, i cili i mori brutalisht jetën gjyshes së tij 82-vjeçare, më 14 mars 2022 në qytetin e Kavallës, ka folur nga burgu duke treguar për herë të parë arsyen pse e goditi me thikë.
Duke shprehur pendesë ai ka treguar se e vrau për 150 euro, të cilat ia kishte kërkuar por ajo nuk ia kishte dhënë.
Autori fillimisht pretendoi se e moshuara u rrëzua dhe goditi veten, por disa muaj më vonë – duke folur për Mega nga burgu – ai pretendon se “ka ndodhur rastësisht dhe se nuk e dinte se çfarë po bnte”.
“Ajo më bëri nerva. U grindëm për 150 euro. Nuk mi dha. Mbaj mend që e godita. U nervozova, në nerva e sipër nuk e dija se çfarë po bëja”, tha i pandehuri 24-vjeçar.
Kujtohet se krimi brutal ndodhi më 14 mars 2022 në Chrysochori të Kavallës. Nipi i plakës fatkeqe, siç thotë ai, e ka zgjuar në mes të natës për t’i kërkuar para. Sipas informacioneve të protothema.gr, kur ajo ka refuzuar, koha e të moshuarës ka nisur t’i numërojë mbrapsht pasi nipi e ka rrahur… për orë të tëra, derisa gruaja nuk ka duruar dhimbjen e plagëve dhe ka humbur jetën.
24-vjeçari gjithashtu ka treguar se kur pa që gjyshja e tij nuk merrte frymë, thirri një zyrë funerali, duke u thënë se ajo ishte rrëzuar dhe me siguri ishte vrarë.
Punonjësi i shtëpisë funerale në dyshim e sipër i tha të thërriste një mjek dhe policinë.
Me të mbërritur në shtëpi punonjësit e policisë kanë parë të moshuarën të rrahur rëndë dhe kanë kërkuar ndihmën e eskpertit mjeko-ligjor për të dhënë shpjegime në lidhje me vdekjen e 83-vjeçares, ndërsa arrestuan 24-vjeçarin.
