Nxitimi për të mbyllur punët që duhet të ishin kryer gjatë mandatit 4-vjeçar të Adrian Gurmës, në Sarandë është shoqëruar me shumë asafalt dhe beton elektoral të hedhur “shkel e shko” para përfundimit të fushatës për zgjedhjet e 14 Majit.
Me synimin për të maksimalizuar votën, si në çdo bashki tjetër të majtë, miliona euro po investohen në ziftin që mbulon përkohësisht gropat e rrugëve, për të cilat nuk u kujtuan kurrë më parë kryebashkiakët e Ramës.
Por, puna e kryer nxitmthi sot për nesër ka lënë edhe pasoja, siç janë këto në foton e mëposhtme, ku në një prej lagjeve të qytetit bregdetar teksa rruga është shtruar me beton, shtyllat e ndriçimit nuk janë kthyer ende në gjendjen normale.
Punëtorët e firmës së kontraktuar kanë devijuar rrugën sipas një denoncimi të mbërritur në llogarinë e Boldnews.al, duke hedhur beton por nuk kanë kthyer ndriçimin në anën e duhur.
