Një 24-vjeçar shqiptar ka humbur jetën në një aksident rrugor të ndodhur rreth orës 23.30 të mbrëmjes së djeshme në Imola të Italisë.
Sipas mediave lokale, ai ishte pasagjer në bordin e një mjeti tip “Benz CLK” që doli nga rruga dhe u përplas me një pemë.
24-vjeçari, i cili ishte në sediljen e përparme, u nxor pa jetë nga ekipet e shpëtimit.
Shoferi, një 23-vjeçar gjithashtu shqiptar dhe një 19-vjeçar me origjinë rumune që ndodhej në sediljet e pasme, mbetën të plagosur.
Një hetim ka nisur nga autoritetet italiane për ngjarjen, ndërsa identiteti i viktimës nuk bëhet i ditur nga raportimet mediatike.
