Fushata elektorale për zgjedhjet lokale të 14 Majit po i afrohet fundit, me shqiptarët që do të vendosin të dielën për drejtuesit e bashkive në vitet e ardhshme.
Teksa 6 ditë na ndajnë nga verdiki final, sulmet dhe diskursi politik nga Partia Socialiste në pushtet ndaj kundërshtarëve të tyre është intensifikuar, ndërsa Tirana mbetet epiqendra e betejës midis qeverisë dhe opozitës.
Erion Veliaj vijon ta bazojë fushatën te sulmet personale ndaj Belind Këlliçit, por nuk ka denjuar të thotë asnjë fjalë për një ligj që së bashku me qeverinë qendrore po përpilon, për të shembur ndërtesat që janë ndërtuar 50 vite më parë.
Lidhur me këtë çështje, anëtari i Këshillit Kombëtar në Partinë Demokratike, Jamarbëll Malltezi tha sot në SyriTV se Veliaj me prishjen e pallateve të vjetra kërkon që të marrë pronën e qytetarëve dhe do t’ia dhurojë oligarkëve.
Ndërkohë, sipas tij ka një plan konkret nga kandidati i koalicionit “Bashkë Fitojmë” për pallatte e vjetra, siç është termoizolimi dhe vendosja e ashensorëve të jashtëm.
“Veliaj kërkon që të prishë pallatet e vjetra dhe tokën të ja japë disa oligarkëve që bashkëpunojnë me të. Belindi ka një plan të ri për këto pallate që vetëm me një ndërhyrje të thejshte në termoizolim dhe një ashensor të jashtëm dhe gjithçka është në rregull.
Në të gjithë botim kemi restaurime që është krejtësisht e kundërta e atyre që ndodh këtu, Këlliçi ka dhënë idenë se pallatet në restorant Durrësi me një ndërhyrje që lart përmenda rregullohet gjithçka.
Në njësinë 4 rrugës për Tufinë, Veliaj prishi një pallat kundër vendimit të specialistëve të cilët siguruan që ishte në rregull ai e prishi që të ja japë drejtorëve të tij si qoka. Plani i Këlliçit për oazet është shumë i rëndësishëm dhe vetëm në zonën e Restorant Durrësit me restaurimin e pallateve mund të ndërtojë dhe 5 oaze të gjelbërta.
Veliaj po jep 200 mijë euro për fushatë, që me këto para mund të rregullonte 5 pallate me ashensor të jashtëm në këto pallate që kanë mungesa në këtë shërbim, dhe nëse nuk do i jepte Rita Orës 2 milionë euro do të rregullonte 50 pallate.
Ajri në Tiranë është kancerogjen sipas laboratorit italian të akredituar në BE, ka dyfishuar tarifën e ujit sepse tha do të kemi ujë të pijshëm dhe të bollshëm, ujërat e zeza të Tiranës nuk janë zgjidhur edhe pse Japonia hodhi 100 milionë euro, po na mbulojnë plehrat dhe jep 30 milionë euro për njerëzit që janë në kërkim ndërkombëtar, trafiku është i tmerrshëm dhe për të gjitha këto nuk është faji as i Saliut dhe as i Këlliçit por është faji vetëm i Veliajt”, tha Malltezi.
