Ekzaminimet dhanë përgjigjen. Rafael Leao, i cili doli pas dhjetë minutash në ndeshjen e së shtunës kundër Lazios, pësoi një zgjatje të muskulit ngjitës të gjatë të kofshës së djathtë.
Evolucioni i pasqyrës klinike do të monitorohet çdo ditë. Derbi ndaj Interit është në rrezik të madh. Rafael do t’i nënshtrohet trajtimeve të përditshme në përpjekje për t’u rikuperuar, por prania e tij të mërkurën është në dyshim të fortë kunder Interit ne Champions League.
Portugezi u ndal menjëherë pasi ndjeu tërheqjen. Në stol, pranë Origit, ai imitoi gjestin e shtrirjes. Leao u lëndua duke u përpjekur të godiste në portë, pas një shtrirjeje në krah.
Me daljen nga stadiumi ai u përpoq të qetësonte tifozët me një “pa problem, asgjë serioze”, për të publikuar më pas një histori në Instagram: “Shihemi së shpejti në fushë”.
