Edi Rama e ka humbur toruan kur na ndajnë 1 javë nga zgjedhjet lokale të 14 Majit.
Këtë e tregoi më së miri sot, ku pasi kërcënoi kandidatin e pavarur për bashkinë e Sarandës, Gjergj Mërkuri, u ndal në Himarë, ku shthuri gojën duke sulmuar Fredi Belerin në shqip e në greqisht.
Nuk dihet nëse është rezultati i sondazheve që tregojnë rënien e popullaritetit të kandidatëve të zgjedhur prej tij për të 61 bashkitë e vendit, por Rama kërkoi hapur që në Himarë të votonin për të dhe jo për Belerin, që garon nën siglën e koalicionit “Bashkë Fitojmë”.
Gjuha e përdorur nga Rama për Belerin mbante disa nga frazat më fyese, teksa ai iu referua disa herë si budalla, dru apo gdhë …etj….
“Himara është ndryshe nga të gjitha territoret. Keni parë ndonjë që të jetë kështu. Dhe këta që janë të djathtë, duhet të pyesin veten, po pse mo më budallain do votojnë këta. Se ka plot nga ata të mençur. Më gdhëja që e kanë vendosur këtu. Në greqisht analfabet, në shqip dru. Atë do të votoni, merreni këtë drurin këtu dhe ai ua bën një punë. Të paktën ngroheni në dimër. Merreni drurin çojeni në bashki, unë me atë nuk bashkëpunoj dot”, tha Rama.
Pikërisht kësaj gjuhe të përdodur nga kryeministri, Beleri i është përgjigjur pak orë më pas me një deklaratë për mediat, ku nënvizon se ky ishte një “shoë” i radhës i Ramës, në vështirësi për të justifikuar zgjedhjen “nga halli të Gjergji Goros”, për kryetar Bashkie.
“Ne vështirësi të dukshme për të justifikuar zgjedhjen nga halli te Kryetarit në ikje, dhe keq administrimit të tij për 12 vite u mjaftua me një shoë të radhës krejt të pamoralshëm dhe meskin sic ai e ka zakon të bëj. Në prani të të gjithëve dhe në sy të mediave ai tha “Gjergj Jorgua mund të mos jetë me i miri, pavarësisht se fle gjumë dhe do një jave të zgjohet unë jam këtu t’ju garantoj se do e çoj nga gjumi”. E pra me zë dhe me figurë Rama iu kërkoi Himariotëve të votonin atë si Babysitter të Goros dhe për 4 vite të tjera.
Unë ju siguroj personalisht tre gjëra
Së pari, qytetarët e Himarës vetëm një Kryebashkiak gjumash e letargjik nuk duan.
Së dyti të nesërmen e zgjedhjes sime si Kryetar i Bashkisë Himarë, duke përfaqësuar të gjithë qytetarët e Bashkisë, do të bashkëpunoj me të gjithë përfaqësuesit e Qeverisë në të mirë të interesit të bashkëqytetarëve të mi Himariotë, te paktën për dy vjet të tjera me Edi Ramën, për të mirën e vendit, zhvillimin e zonës dhe për mirëqenien e qytetarëve. Siç gjithashtu, jam i sigurt se mbeturinat urbane, rrugët, parqet publike, uji, ujërat e zeza , shkollat me standarde bashkëkohore dhe mbi të gjitha çështja e Pronës nuk kanë ngjyra, ato nuk janë as socialiste as demokrate nuk kanë ngjyrë, as socialiste e as demokrate, janë vetëm probleme që pengojnë njerëzit të ecin përpara.
Së treti, të martën, më 14 maj, do të ndryshojmë kryetarin e bashkisë në qytetin e Himarës dhe që të nesërmen e zgjedhjeve do të ndryshojmë gjithçka për mirë”, shprehet ai.
