Gleison Bremer ka qenë pa diskutim një nga blerjet më të rëndësishme të Juventusit në mbrojtje. Por e ardhmja e mbrojtësit brazilian nuk është e sigurt në Itali. Veçanërisht pas raportimeve të mediave të specializuara në merkaton e lojtarëve.
Kështu sipas “Calciomercato” janë dy klube angleze që janë vënë në ndjekje të brazilianit. Njukasëlli dhe Totenhemi në Premier Ligë janë vënë në ndjekje të lojtarit dhe janë gati të shpenzojnë miliona të shumta për të bindur Juventusin të heqë dorë nga lojtari i vet.
Nga ana tjetër, mediat britanike kanë bërë me dije se Totenhemi dhe Njukasëlli janë gati të investojnë nga 45 deri në 50 milionë euro për shërbimet e Bremerit. Tani mbetet për t’u parë se cili nga dy klubet e Premier do të ofrojë më shumë.