Një 59-vjeçar është arrestuar ditën e sotme në Berat pasi akuzohet s ekryente veprime të turpshme kundrejt një vajze të mitur.
Blutë bëjnë me dije se në pranga ka rënë shtetasi me iniciale F.P, ndërsa denoncimi është bërë nga vetë e mitura 13 vjeçare.
“Specialistët e Seksionit për Hetimin e Krimeve të Komisariatit të Policisë Berat, menjëherë pas kallëzimit të marrë nga një 13-vjeçare, se shtetasi F. P., 59 vjeç, banues në Berat, kishte kryer veprime të turpshme ndaj saj, kanë kapur dhe vënë në pranga këtë shtetas.
Dyshohet se 59-vjeçari i ka kryer veprimet e turpshme, ndaj shtetases së mitur, në hyrje të pallatit ku kjo shtetase banonte.
Vijojnë veprimet hetimore për verifikimin e plotë të këtij kallëzimi”,- njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme, për veprën penale “Vepra të turpshme.