Tridhjetë e tri vite më pas nga hera e fundit, Napoli shton një trofe kampioni në muzeun e vet, por edhe emrin e një presidenti fitues. Aurelio de Laurentis është arkitekti i këtij suksesi.
Në një deklaratë për mikrofonat e transmetuesit amerikan “CBS”, ai iu rikthye eliminimit të ekipit nga Championsi.
“Shpresojmë të kemi filluar një epokë të re dhe vitin tjetër të fitojmë sërish. Përsa i përket Championsit, mendoj se këtë vit ishim më të fortët dhe u eliminuam vetëm sepse në të dyja ndeshjet kundër Milanit arbitrimi nuk ishte në nivelin e duhur. Por futbolli është i tillë, kjo është UEFA… Nëse arbitrat nuk do të na ndalojnë sezonin e ardhshëm, atëherë mund ta fitojmë”, deklaroi ai.
