Kandidati i koalicionit “Bashkë Fitojmë” për bashkinë e Kuçovës, Lefter Maliqi ka zhvilluar takimet elektorale këtë herë në qendër të vëmendjes ishin banorët e Gorajt.
Gjatë një postimi në rrjetet sociale, Maliqi shpërndan pamje nga ky takim duke theksuar se pas fitores brenda 6 muajve do të asfaltojë rrugën Drizë-Goraj-Velagosht.
Maliqi thekson se bashkia do të jetë një institucion ku do të dëgjohen hallet e qytetarëve në të gjithë zonën e Kuçovës.
“Rruga drejt fitores së madhe është pa kthim! Populli do ndryshimin! Mjaft me çakull elektoral! Mjaft me presione e joshje! Pse keni frikë nga perballja demokratike? Pse keni frikë nga vota e lirë, pa imponim dhe pa detyrim? Ne duam qetësi! Duam trasparencë dhe votim të lirë. Ju pse keni frikë? Kuçova “Kantier Ndërtimi”! Mirënjohje banorëve të Gorajt!
Asfaltimi i rrugës Drizë-Goraj-Velagosht do të bëhet realitet brenda datës 15 Tetor të këtij viti. Çdo premtim do të kthehet në realitet! Ku ka vullnet e dëshirë për të punuar gjendet edhe mundësia! Bashkia do ju kthehet qytetarëve! Unë do jem njëri nga ju! Fitore!”, shkruan Maliqi
