Një aksident i frikshëm ka ndodhur pak pas mesnate në lagjen “10 korriku” në Vlorë. Një automjet tip “Benz” është përplasur me një pemë dhe kazan mbetjesh dhe është përmbysur në rrugë.
Si pasojë 38-vjeçari me inicialet S. C., ka mbetur vetë i plagosur dhe aktualisht ndodhet në spital.
Sipas policisë i riu ka qenë në gjendje të dehur duke drejtuar mjetin, e për pasojë ka humbur drejtimin e mjetit duke dalë nga rruga e duke përplasur edhe disa makina të parkuara.
Policia e Vlorës ka referuar në Prokurori materialet për shoferin 38-vjeçar.
