Kryetari i PD-së, Sali Berisha u shpreh i sigurt këtë të mërkurë se opozita do të triumfojë në Shkodër në lokalet e 14 majit.
I ftuar në një studio televizive, Berishës iu përmendën edhe fjalët e mira që brenda “BBVIP”, këngëtari Luiz Ejlli tha për Benet Becin, kandidatin e PS-së për Shkodrën.
Gjatë debatit në emisionin e sotëm, gazetari Arjan Çani iu drejtua Berishës: Më thani që jeni bërë keq kur Luizi foli mirë për Benet Becin.
“Për Luizin jam shprehur secili diellin e tij, s’bëj komente”, tha Berisha.
Më tej, shtoi: Për Benetin ja thashë dhe dje që ka bërë gabimin fatal të jetës që kandidon për Ramën. Beneti, shpirti i tij e din pse kandidoi. Dy vite në parlament fjalën Shkodër se shqiptoi ndonjëherë. Nëse ka një rreth tmerrësisht të diskriminuar është Shkodra. Ka raste që kam bërë për tu kthyer nga Shkodra në Tiranë 3 orë e 20 min, ka raste më pak. Rama dhe Belina lluksi çon 320 mln euro në rrugë anësore nga Shkëmbi i Kavajës në Fier dhe nuk çon të zgjerojë rrugën Lezhë-Shkodër. Sepse aty vjedhin.
Mund ta rrezikojnë Shkodrën?
Berisha: Absolutisht jo.
“Kishte ndërruar ngjyrën, e kish heq mavinë, thashë si ujku që lyhen këmbët me miell. Beneti e dinte që KESH-i detyrohet nga ligji të dëmshpërblejë qytetarët në Shkodër, asnjë lekë dëmshpërblim nuk dha, se nuk e la Rama”, shtoi.
Arjan Çani: Është i rëndësishëm Luizi s’mund ta shajë dot
“Fitorja në Shkodër është e sigurt”, tha Berisha.
