Ditët e fundit ka pasur aludime se Getinjo dhe Vivien Thano janë ndarë. Së pari, të dy kanë fshirë fotot me njëri-tjetrin nga Instagrami. Së dyti, ata nuk ndiqen më.
Dhe duket se edhe këtë herë Instagrami ka qenë një tregues i saktë, pasi ka qenë vetë Vivien që ka konfirmuar ndarjen.
Ajo do jetë e ftuar në emisionin “Natën me Aulonën” dhe në promon e emisionit është shfaqur momenti kur tregon se i kanë dhënë fund historisë.
Vivien thotë se mes tyre ka marrë fund dhe arsyeja, ose të paktën një nga arsyet përse, është pasi ajo dhe Getinjo i kanë nxituar pak gjërat mes tyre, gjë që ka sjellë më pas edhe prishjen e marrëdhënies.
“Nuk jam më me Getin, jemi ndarë. Ndoshta ne u nxituam pak më shumë seç duhet”, -thotë ajo.
View this post on Instagram
E po ashtu ka lënë të kuptohet se mund të marrë pjesë në “Love Island”, pasi kur u pyet nga Aulona nëse ka hequr dorë nga kërkimi i dashurisë në ekra, u përgjigj duke thënë: “Ku i dihet mbase marrim pjesë në ndonjë ishull.”
E nga ana tjetër, Getinjo duket se ka fshirë të gjitha postimet e tij në Instagram, ndërsa në foton e profilit lexohet: “Nuk jam këtu”.
Disa javë më parë, reperi lajmëroi se do të largohej nga rrjetet sociale për shkak te një gjendje të rënduar psikologjike që po përjetonte.
