Moti në vend ka ndryshuar kurs në fundjavë dhe zona të caktuara janë përfshirë nga reshje shiu përfshirë këtu edhe kryeqytetin.
Edhe pse në intensitet të ulët krahasuar me periudhën e dimrit, duket se kanë mjaftuar pak orë shi, që rrugët e disa zonave në Tiranë të përmbyten.
Lidhur me këtë ka reaguar dhe nënkryetari i Partisë së Lirisë, Petrit Vasili, i cili teksa ka publikuar pamje nga rrugët e përmbytura në Tiranë, ka denoncuar edhe propagandën e kryebashkiakut Veliaj.
Në videon e publikuar nga Vasili shihet se uji ka vërshuar në rrugë duke krijuar vështirësi në lëvizjen e këmbësoreve dhe automjeteve, pasi niveli i ujit ka arritur afërsisht deri në 30 cm.
Reagimi i Vasilit:
Ja rruget per faqe te zeze pak km jashte qendres se Tiranes sapo bie shi.
Dhe kujto pastaj pallavrat dhe Videot shpifesira mashtruese te Veliajt.
