Në buzëmbrëmjen e sotme është mbyllur java e 31-të të Superiores. Bardheblutë e Tiranës kanë fituar në “Elbasan Arena” me rezultatin minimal 1-0 ndaj krutanëve Kastriotit, duke ruajtur epërsinë në 5 pikë ndaj Partizanit që i ndjek nga afër. Ndërkohë, rrogozhinat e Egnatias fitojnë me një ‘poker’ golash, duke i dhënë një leksion të mire Vllaznisë brënda në shtëpinë e saj në “Loro Boriçi”.
Ndonëse vonë, bardheblutë e Tiranës, ia arritën të fitojnë në një sajë të një goli të shënuar nga mesfushori Hila. Ndërkohë që kronometri shënonte minutën e 90-të, mbrojtja krutane e kishte harruar të mbuluar mesfushorin bardheblu Hila, i cili me kokë shënoi golin e vetëm të ndeshjes.
Pas këtij episodi, skuadra e Kastriotit mbeti me nëntë lojtarë në fushë, pasi Abaz Karakaçi dhe Adolf Selmani, u ndëshkuan me kartona të kuq
Ishte një fitore e vuajtur kjo për Tiranën, por plotësisht e merituar. Pas këtij suksesi, bardheblutë ngjiten në kuotën e 59 pikë, +5 më tepër se sa Partizanit. Ndërkohë, në vendin e fundit me 31 pikë, lufta e Kastriotit për mbijetesë bëhet akoma më e vështirë.
Egnatia ka arritur të bëjë një fitore spektakolare kundër Vllaznisë, duke realizuar plot 4 gola në stadiumin “Loro Boriçi”.
Rrogozhinasit, të cilët janë cilësuar edhe si “macja e zezë” për shkodranët, sot e kanë merituar më së mire epitetit gazetaresk. Ata jo vetëm që kanë shkëlqyer në impiantin shkodran, por i kanë dhënë një leksion të mire Vllaznisë, duke dëshmuar se janë ekipi më në formë në Superioren shqiptare.
Golat, njëri më i bukur se sa tjetri, u shënuan nga Mëllugja në minutën 23-të të pjesës së pare.
Pas pushimit Dwamena, në minutën e 55-të ‘vallëzon’ në mbrojtjen e hapur shkodrane dhe 2-0.
Fernando në minutën e 77-të do të shënonte 3-0 me një goditje spektakolare.
Jackson në minutën e 83-të do të firmoste fitoren 4-0 për Egnatian, e cila i jep edhe një sinjal shkdranëve për ndeshjen e kthimit gjysmëfinale të Kupës së Shqipërisë.
Pas kësaj ndeshje, Egnatia ngjitet në vendin e tretë me 46 pikë, ndërsa Vllaznia në të katërtin me 42 pikë.
