Momente tensioni janë shënuar ditën e sotme në protestën e banorëve të Bërxullës, ku efektivë të policisë duket se kanë shtyrë një nga qytetaret e cila qëndronte në rrugë, në tentativë për të liruar qarkullimin.
“Mos më prekë njeri me dorë. Nuk më bën njeriu dritë fare. nuk kam për të liruar rrugën. Më është sosur durimi më çoni ku të doni. Ku është shteti të më japë zgjidhje”, dëgjohet të thotë një nga protestueset.
Edhe pse efektivët u përpoqën që ta ndalonin, e moshuara s’ju bind dhe arriti qe te dale ne mes te rruges duke bllokuar qarkullimin e automjeteve.
Ndërkohë një tjetër banore u shpreh se kryeministri Edi Rama nuk guxon të shkojë të bëjë fushatë në Bërxullë, pasi e ka shkatërruar tashmë atë.
“Të bëjnë tallava në rrugë, le të vijë të kërcejë me në banorët e Bërxullës se me kë nuk ka kërcyer. ka shkuar kudo të bëjë fushatë, le të vijë në Bërxullën që e shkatërroi”, dëgjohet të thotë ajo.
Çfarë ka ndodhur me banorët?
Banorët e Bërxullës kanë 8 muaj që protestojnë kundër ndërtimit të aksit ‘Thumanë-Kashar’, segmenti 20.9 kilometrash pjesë e autostradës Milot –Fier. Me ndryshimin e projektit banorët deklarojnë se parashikohet të shemben banesat e tyre. Ato nuk bien dakord me vlerën e shpronësimit për banesën dhe tokën. Të vendosur, thonë se ato do të mbrojnë tokat e tyre deri në vetëflijim, dhe se nuk do të lejojnë firmën ‘Gener 2’ të futet në tokat e tyre, pa arritur më parë një marrëveshje me to
