Gara sprint në Çmimin e Madh të Azerbajxhanit në Baku, ka dhuruar sot shkëndija që në startin e 17 xhirove.
Që në xhiron e parë kishte një duel mes George Russell të Mercedes dhe Maks Vershtapen të Red Bull, me këtë të fundit që u desh t’i hapte rrugë duke u përplasur në rrethimin e pistës e dëmtuar makinën.
Një situatë që nuk i ka pëlqyer edhe aq shumë kampionati në fuqi i cili menjëherë as garës, shkoi t’i kërkonte llogari britanikut. Ai i tregoi të çarën në krah të makinës dhe shkëmbeu batuta aspak miqësore me të, ndonëse tjetri i tha se nuk kishte kapje të mirë të gomave në atë pjesë të pistës.
“Të gjithë nuk kemi të tillë. Prit herën tjetër të njëjtin trajtim”, i tha Vershtapen para kamerave Rasëll i cili po largohej, ndërsa më pas u dëgjua të thoshte nën zë fyerjen “kokëk**”, ndaj homologut të tij.
Megjithatë, vetëm Rusell nuk dukej shumë i shqetësuar për këtë përplasje me holandezin e Red Bull. “Nuk do të ul shpejtësinë vetëm se ai kryeson renditjen e Botërorit”, tha me ton sfidues britaniku. Një situatë që garanton shkëndija në duelet e radhës.
