Roma do të përballet sot në shtëpi me Milanin, teksa Interi do të presë nesër në Milano skuadrën e Lacios. Ndryshe nga ndeshjet e zhvilluara deri më tani, Interi dhe Roma do të bëjnë ndryshime në fanellat e tyre.
Të dyja skuadrat, kanë si sponsor kompaninë e kripto monedhave “digitalbits”, por vonesat në pagesa dhe problemet me sponsorin kanë bërë që dy klubet ta heqin nga fanella.
Në këtë mënyrë, Roma ka menduar të luajë me një fanellë pa sponsor, ndërkohë që në pjesën para do të jetë e shkruar SPQR e cila lidhet me linkun e qytetit të Romës, link me të cilin verdhekuqtë kanë luajtur edhe në të shkuarën.
Ndërkohë, sa i përket Interit ende nuk ka një vendim nëse do të ketë diçka në fanellë por gjasat janë të mëdha që të mos ketë asgjë. Sponsori “Digitalbits” duhet që të kishte bërë pagesat e kësteve megjithatë diçka e tillë nuk ka ndodhur.
