Një ndërprerje e palajmëruar e energjisë elektrike është shënuar në zonën e Astirit në kryeqytet, mbrëmjen e kësaj të Premteje.
Abonentë të zonës thanë se nuk furnizohen me energji elektrike që prej orës 22:00.
OSHHE, i vetmi ent që ofron shërbimin e shpërndarjes së energjisë elektrike në vend, nuk ka lajmëruar paraprakisht për një ndërprerje të mundshme. Po ashtu, lajmërim për abonentët nuk ka pasur as pas ndërprerjes për të sqaruar arsyet.
Faqja e zyrtare në internet e kompanisë shtetërore rezulton jashtë funksionit.
Ndërsa në faqen në rrjetin social “FB” njoftimi i fundit flet për një aktivitet të ministres së Energjetikes Belinda Balluku.
Redaksia provoi të kontaktonte numrat e telefonit të vënë në dispozicion nga OSHEE.
Asnjë nga sy numrat e shpallur publikisht nga operatori si kontakte për abonentët e Tiranës në rast mungese të energjisë elektrike apo defekti nuk ishin të disponoheshëm.
Një seri zilesh dhe asnjë përgjigje.
Asnjë përgjigje as nga kontaktet e vëna në dispozicion për abonentët nga i gjithë vendi.
Drita nuk ka, edhe OSHEE-në mesa duket e ka zënë gjumi…
