Autoritetet belge kanë dënuar me 3 vite burg një shtetas shqiptar pasi akuzohet se është i përfshirë në trafikun e kokainës.
32-vjeçari shqiptar me iniciale B.B., banues në Bruges, është arrestuar më 22 dhjetor të vitit 2021, ku policia gjeti në shtëpinë e tij 21 doza kokaine, 5000 euro cash dhe orë dore të shtrenjta me vlerë 71 mijë euro.
Mësohet se shqiptari ka tregtuar lëndë narkotike për dy vite dhe se u ka shitur drogë të paktën 90 personave, madje një prej tyre ka qenë shtetas serb.
Përpos dënimit me tre vite burg, prokurori publik kërkon të konfiskojë shumën e orave, dhe automjetin e tij tip Mercedes.
Burimi: Nieuwsblad.be
