Një ngjarje e rëndë ka ndodhur në Greqi ku një 14 vjeçar shqiptar ka humbur jetën pasi ra me biçikletë në një greminë. Aksidenti tragjik ndodhi pasditen e djeshme në fshatin e quajtur ‘Kypseli Agrinio’.
Sipas mediave greke, ngjarja dyshohet të ketë ndodhur në një rrugë rurale në afërsi të këtij fshati ku djali ndodhej në shoqërinë e një të mituri tjetër. 14 vjeçari shqiptar pasi u rrëzua me biçikletë në greminë, u përplas me një gur, gjë që i shkaktoi plagë të rënda të cilave nuk arriti t’u mbijetonte pavarësisht se u dërgua në spital.
I mituri ishte djali i vetëm i familjes shqiptare që jetonte në fshatin Kypseli.
