Koalicioni opozitar “Bashkë Fitojmë” nëpërmjet sekretares për marrëdhëniet me publikun në PD, Jola Hysaj ka reaguar ashpër në lidhje me skandalin e radhës të kryebashkiakes së Durrësit, Emiriana Sako, e cila ka hapur një muaj më parë një tender për blerje të lëndës drusore.
Sako ka lëvruar fondin 400 milionë lekë për blerjen e druve më 7 prill, kur është shpallur fituesi i tenderit.
Kryebashkiakja që synon një mandat të dytë, pa e marrë aspak në konsideratë faktin se jemi duke iu afruar stinës së verës dhe temperaturat i kanë kaluar 20 gradë celcius, me qytetarët që kanë bërë edhe zhytjen e parë të sezonit në Adriatik.
Ndërkohë, sipas Hysajt për këtë procedurë prokurimi kanë paraqitur interes 4 kompani, por çuditërisht vlerësuesit e kritereve në bashkinë Durrës kanë përjashtuar njërën prej tyre edhe pse paraqiti ofertën më të ulët prej 190 milionë lekë.
Sako ka preferuar që të shkojë deri në limitet e fondit, duke shpallur fituese kompaninë që ka ofruar dyfishin e vlerës së ofertës më të ulët, duke “vjelur” me një tender 210 milionë lekë më shumë nga paratë e taksapaguesve.
Për këto tendera abuzive, Hysaj ka ironizuar Sakon duke thënë se “pastruesja”, siç kryeministri Rama e quajti në takimin e fundit elektoral kur i kërkoi votën për të qytetarëve të Durrësit, ka nisur të bëjë dhe “nikoqiren”.
Reagimi i Jola Hysajt:
Kur “pastruesja” bën dhe “nikoqiren”
Tani që e dimë që je “marioneta” e Dakos me “Duart akullore” e dimë të gjithë. Që stafi yt e “qan” propagandën dhe këtë e dimë se çdo ditë po nxjerrim nga një fakt të ri për të treguar realitetin në vend të Durrësit imagjinar që tentoni të na e shisni çdo ditë.
Por që Durrësi ngrohet me dru e në mes të pranverës, rrugës duke ardhur vera me këtë na bëre të dyshojmë tek vetja. Fillova të lexoj artikullin e joq-albania.com ku shkruhej: “Durrësi, si një qytet bregdetar, njihet për temperaturat e qëndrueshme dhe klimën e ngrohtë. Por, tani që po afron vera dhe në këtë qytet fillon plazhi, kryebashkiakia Emiriana Sako kujtohet të blejë dru zjarri për t’u ngrohur.
Ditën e sotme Sako tha se ka mbjellë pemë, por që nuk e ka filmuar procesin.
Tenderi ka si objekt “Blerje dru zjarri e peletë për QEA” dhe fond limit rreth 400 milionë lekë. Gara për këtë prokurim është hapur me datë 8 mars dhe me 7 prill është shpallur fituesi. Në fakt cilësojmë “gara” në thonjëza pasi praktikisht nuk është zhvilluar një garë e mirëfilltë”.
Sikur të mos ishte vetëm kaq, se thash ndoshta jam unë që nuk po kuptoj materialin me dashamirësi e po vazhdoj ta lexoj më tej, por do t’i që vazhdonte kështu:
“Në dokumente ne shohim se kanë paraqitur interes për këtë tender 4 firma. Madje njëra prej tyre, paraqiti ofertën më të lirë, me vlerë rreth 190 milionë lekë.
Por, Sako e ka skualifikuar që në fazën e parë me justifikimin se ka të punësuar mobilierë dhe jo punonjës druri edhe pse në fakt kemi të bëjmë vetëm me prerje dhe transport druri”.
Oooo, thash mos do ftohet dhe Sako paska filluar sërisht me akullore si Dako, kur më del para tenderi i KLORIT, për të blerë klor Sako ka vendosur të shpenzojë 500 milionë lekë. Kështu, sipas një llogaritje të thjeshtë i bie që për 1 kg klor Sako do të shpenzojë 64 mijë lekë. Gjeni gjëegjëzën sa kg i bie të marrë Sako me 500 milionë?
