Një automjet është përfshirë nga flakët, pasditen e kësaj të Enjte në “Rrugën e Arbrit”.
Automjeti ka qënë në ecje në momentin që është përfshirë nga zjarri, ndërsa mësohet se si pasojë është “shkrumbuar” i gjithi.
Sipas informacioneve të para, nuk ka dëme në njerëz, vetëm materiale.
“Në Rrugën e Arbrit, ka marrë flakë në lëvizje e sipër dhe është djegur plotësisht mjeti tip “Ford”, me drejtues shtetasin G. M., dhe si pasojë e zjarrit ka vetëm dëme materiale. Paraprakisht dyshohet se zjarri ka rënë si pasojë e një defekti në mjet. Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit“, njoftoi policia.
