Tirana rikthehet në lojë në finalet e sezonit të Superiores në basketbollin e meshkujve. Duel shumë i luftuar dhe i ndjekur nga shumë tifozë në kryeqytet të cilët krijuan një atmosferë fantastike në ndeshjen e organizuar nga Besëlidhja si pritëse.
Lezhjanët e nisën mirë duke e mbyllir pjesën e parë në avantazhin 35-34 por me rikthikin e skuadrave në fushën e lojës, situata ndryshoi dhe skuadra e Afrim Bilalit humbi shumë terren.
Besëlidhja që kishte fituar dy sfidat e para, kërkoi edhe sukesit e tretë për t’u shpallur kampione por në “Asllan Rusi” triumfoi skuadra e Erkand Karajit me rezultatin 76-63 duke rihapur çështjen e titullit.
Ndeshja e katërt do të luhet pas 4 ditësh në pallatin e sportit “Feti Borova”.
