Kryetari i Partisë Demokratike, Sali Berisha shprehet i bindur se Edi Rama do të përfundojë pas hekurave për çështjen “McGonigal” që po gjykohet në SHBA.
Në një emision televiziv mbrëmjen e sotme, Berisha tha se 14 Maji do të jetë fushata e fundit elektorale e Edi Ramës. Sipas kryedemokratit, Rama do të largohet nga pushteti para 2025-ës – që është afati i zgjedhjeve të radhës parlamentare. Kreu i PD shprehu bindjen se një kërkesë nga SHBA do depozitohet te autoritetet shqiptare për ekstradimin e Ramës. Ai deklaroi se opozita nesër në pushtet nuk do bëhet pengesë për ekstradimin e kryeministrit aktual.
“Do ta ekstradoj. Kjo është fushata e fundit e tij elektorale. Ai e di çfarë e pret ndaj dhe flet përçat. E ka të sigurt që gjykata amerikane s’mund të dënojë ryshfetmarrësin pa dënuar ryshfetdhënësin. Ai e di këtë, ja kanë thënë se ka njerëz sa për t’ja thënë këtë. Ai pret zarfin”, tha Berisha.
Më tej, kreu i opozitës tha se Rama ka kërkuar pranë SPAK arrestimin e tij, por shtoi se nuk ka asnjë provë që e implikon atë në ndonjë çështje të paligjshme.
“Rama dhe e shoqja s’kanë lënë prokurorë pa kap. Ulsiu ka dërguar nja 10 shkresa, se ata (prokurorët) nuk është se s’duan, por s’kanë asnjë fakt. Kanë dërguar me Don Agaçion dhe këtë Kokonën, ndihmësen e tij që kur merrte rrogën në Këshillin e Ministrave bënte avokati kundër shtetit. I kanë kap direkt prokurorët: Pse se arrestoni”, tha Berisha, i cili shtoi se “edhe 100 vjet të kontrollojnë, s’gjejnë dot se Berisha ka zbatuar ligjin”.
