Një ngjarje e rëndë ka ndodhur pasditen e sotme në Tiranë, ku dy makina kanë ndjekur njëra tjetrën, duke shkaktuar disa të plagosur, e duke përplasur makinat në Unazën e re, tek zona e njohur si Selitë.
Në një video të publikuar nga JOQ, shihet se një makinë tip ‘Porche’ ndjek nga pas një automjet tip ‘BMW’ dhe ka tentuar t’i zërë rrugën.
Për t’u shmangur ndjekjes së ‘Porche’, ‘BMW’ është përplasur me një mjet tjetër Benz që ndodhej para, më pas ka tentuar të largohet pasi edhe Porche i ka prerë rrugën. Në momentin që BMW tenton të largohet ka goditur edhe një motor.
Dy automjetet ‘Porche’ dhe ‘BMW janë larguar, por më pas janë ndaluar nga policia rrugore.
Burime nga dëshmitarë në ngjarje, shprehen se u duk sikur po behej një atenta por dështoi.
Pritet një reagim zyrtar nga ana e policisë mbi sqarimin e rrethanave të ngjarjes.
