Pasagjerët e një avioni që tentoi të ngrihej nga aeroporti rajonal i Wolfsburgut pasditen e së dielës përjetuan momente tmerri, kur një zog hyri në motorin e majtë, i cili mori flakë.
Në avionin Boeing 737 ishte edhe ekipi i femrave të Arsenalit, që barazuan 2-2 me Wolfsburg në gjysmëfinalen e parë të Champions League.
Avioni ishte në proces ngritjeje dhe kur motori mori flakë, piloti e ndaloi dhe evakuoi pasagjerët në mënyrë të sigurt. Asnjë lëndim nuk u raportua gjatë incidentit, përpos tronditjes psikologjike, me delegacionin britanik që më në fund u kthye në Londër të hënën.
