Një 35-vjeçar shqiptar është arrestuar nga policia kufitare në aeroportin ndërkombëtar të Abruzzos në Itali pasditen e së enjtes.
35-vjeçari shqiptar, identiteti i të cilit nuk bëhet ende i ditur, ishte një nga pasagjerët e avionit që kryente linjën Tiranë-Pescara, dhe u ul në aeroportin e Peskarës rreth orës 14:00.
Ndaj shqiptarit ishte në pritje një urdhër arresti për burgosjen e tij me 4 vite e 3 muaj, i lëshuar nga gjykata e Brescias në vitin 2020 për një plagosje të ndodhur në vitin 2012
Dënimi, i cili u bë i ekzekutueshëm në 2022, u krye nga personat e policisë kufitare të Peskarës, të cilët e identifikuan menjëherë atë pas mbërritjes dhe e shoqëruan në burgun e Peskarës.
