Një ngjarje e rëndë ka ndodhur mbrëmjen e sotme në qytetin e Tiranës ku disa persona kanë dhunuar një 30-vjeçar.
Sipas informacioneve praprake të ardhura nga uniformat blu mësohet se ngjarja ka ndodhur në orën 21:05 në rrugën “Kongresi i Manastirit”, në afërsi të gjimnazit “Partizani”, ku persona ende të paidentifikuar dyshohet se kanë goditur me sende të forta shtetasin E. Z., 30 vjeç, dhe më pas janë larguar.
“Më datë 23.04.2023, rreth orës 21:05, në rrugën “Kongresi i Manastirit”, në afërsi të gjimnazit “Partizani”, persona ende të paidentifikuar dyshohet se kanë goditur me sende të forta shtetasin E. Z., 30 vjeç, dhe më pas janë larguar. Si pasojë 30-vjeçari është dëmtuar dhe po merr ndihmën mjekësore në spital“, njofton policia.
Ndërkohë, grupi hetimor po punon për sqarimin e rrethanave të ngjarjes, identifikimin e kapjen e autorëve të dyshuar.
