Pasditen e sotme Komisioni Shtetëror i Zgjedhjeve ka shpërndarë fondin prej 1 milionë eurosh nga buxhetin i shtetit, që i vihet në dispozicion si paradhënie partive politike pjesëmarrëse në zgjedhjet për organet e qeverisjes vendore, të datës 14 maj 2023.
Pjesa e më e madhe e “tortës” prej 97,064,530.08 lekësh do të shkojë në arkën e Partisë Socialiste, duke qenë se ka pasur edhe rezultatin më të lartë në zgjedhjet e vitit 2015, vit të cilit KQZ i është referuar për ndarjen e parave, pasi opozita nuk garoi në zgjedhjet e vitit 2019.
Konkretisht Partia Socialiste ka përfituar 42.8 mln lekë dhe ndiqet nga PD e Vulës me kryetar të komanduar Enkelejd Alibeaj, e cila përfiton 24.9 mln lekë, pavarësisht se kandidon në shumë pak bashki dhe nuk gëzon mbështetje në elektorat.
Sakaq, Partia e Lirisë ka marrë 15 milionë lekë, ndërsa siç edhe dihej demokratët e drejtuar nga Sali Berisha nuk do të marrin mbështetje nga fondi, duke qenë se Komisioni Qendror i Zgjedhjeve nuk i ka njohur si subjekt zgjedhor.
SHPËRNDARJA E FONDIT:
Partia Demokratike (PD) 24.963.584.24 lekë
Partia Republikane (PR) 3,012,429.13 lekë
Partia Aleanca Progresiste L.ZH.K 1,100,255.80 lekë
Partia Socialiste e Shqipërisë (PS) 42.833,466.73 lekë
Partia e Lirisë (PL) 15,594,215.8 lekë
Partia Drejtësi, Integrim dhe Unitet (PDIU) 4,260,606.71 lekë
Partia Fryma e Re Demokratike (FRD) 1,194,064.75 lekë
Partia Demokracia Sociale (PDS) 1,123,779.90 lekë
Partia Socialdemokrate (PSD) 0 lekë
Bindja Demokratike (BD) 639,798.69 lekë
Partia e Gjelbër (P.GJ) 797,915.09 lekë
Partia Aleanca Demokristiane e Shqipërisë (ADK) 448,974.27 lekë
Aleanca Arbnore Kombëtare (AAK) 532,820.88 lekë
Partia Uniteti Kombëtar (PUK) 562,618.08 lekë
Komisioneri miratoi edhe modelin e aktmarrëveshjes së bashkëpunimit ndërmjet Komisionerit Shtetëror të Zgjedhjeve dhe partisë politike që përfiton fondet nga buxheti i shtetit dhe Komisioni Qendror i Zgjedhjeve.
Ky është fondi i dytë i shpërndarë nga KQZ, pas fondit vjetor për partitë politike të shpërndarë më datë 12 prill.
Prej këtij fondi përfituan 11 parti, me PS që përfitoi pjesëm më të madhe të buxhetit prej 345.6 milionë lekësh.
FONDI U NDA SI MË POSHTË:
PS: 151 milionë lekë
PD: 106 milionë lekë
PL: 15 milionë lekë
PSD: 12 milionë lekë
PR: 11 milionë lekë
PDIU: 9 milionë lekë
PBDNJ: 8 milionë lekë
PAA: 8 milionë lekë
LZHK: 8 milionë lekë
PLL: 8 milionë lekë
Nisma Thurje: 6 milionë lekë.
