Një mega-ngarkesë me kokainë e fshehur nën një anije mallrash të nisur më 23 mars nga Santos në Brazil më 23, e që mbërriti në Venecia më 17 prill, është zbuluar sot nga Guardia di Finanza italiane.
Zhytësit profesionistë inspektuan anijen që ishte subjekt i disa kontrolleve nga e marta duke zbuluar 570 pako me kokainë me peshë totale 850 kg, të fshehur brenda kanaleve të ventilimit.
Autoritetet italiane kanë përllogaritur se droga e fshehur në anijen “Atlas” me pronësi greke, do të kapte në treg vlerën e 150 milionë eurove.
Hetimet janë ende në vazhdim dhe anija e ankoruar në një nga terminalet e portit ende po i nënshtrohet inspektimeve nga agjentët e Gdf që gjetën ngarkesën.
