Kandidati për kryebashkiak në Shkodër Bardh Spahia ka ironizuar rivalin e tij socialist Benet Beci. I ftuar në emisionin ‘Real Story’ në Report Tv, Spahia u shpreh se nëse Beci donte të kontribonte në Shkodër do ta kishte ngritur zërin në Parlament. Po ashtu ai tha se Shkodra ka nevojë për përfaqësim dhe nuk bën kompromis.
“Po të kishte dashur mund të kishte zgjedhur një rrugë tjetër për të kontribuar për Shkodrën, ka pasur rastin që të çojë njëherë zërin në Parlament për Shkodrën, dhe se ka bërë, ndoshta nuk ka folur kurrë. Shkodra ka nevojë për përfaqësim dhe nuk bën kompromis”, tha Spahia.
