Aventura e Edoardo Rejës në stolin e ND Gorica zgjati pak më shumë se një muaj e gjysmë.
Klubi slloven njoftoi ndarjen nga trajneri italian dhe ndihmësit e tij përmes një reagimi në faqen zyrtare.
“Reja e ka drejtuar Goricën në 7 ndeshje dhe gjatë kësaj periudhe ka pasur 2 fitore, një barazim dhe 4 humbje. Asistentët e tij Sergio Porrini dhe Luigi Febbrari gjithashtu do të largohen nga klubi. Ne e falënderojmë Rejën për përpjekjet e tij dhe i urojmë fat në sfidat e tij të ardhshme”, bën me dije klubi i ND Gorica.
Megjithatë pas shkarkimit të Rejas klub slloven ia ka besuar drejtimin e skuadrës një trajneri me origjinë shqiptare.
50-vjeçari Agron Salja, i cili më herët ka drejtuar skuadrën e NK Celje si dhe kombëtaret U-17 dhe U-19 të Sllovenisë, do të drejtojë skuadrën e ND Gorica.
