Prej shumë kohësh dihet se Erling Haaland është një ndër prioritetet e Real Madridit në merkato.
“Galaktikët” po bëjnë çmos për ta transferuar norvegjezin në “Santiago Bernabeu”, lojtar që nuk di të ndalet dhe deri më tani numëron 48 gola në 41 sfida me gjigandët e Premier Leagues.
Presidenti Florentino Perez do të tentojë me çdo kusht arritjen e akordit për nordikun , duke filluar nga merkatoja verore e 2024-tës, për të cilin sipas ‘As” ka përgatitur çekun prej 200 milionë eurosh.
Sigurisht pritej edhe reagimi i drejtuesve të Manchester City-t, të cilët pretendojnë qëndrimin e ishi-t të Borussia Dortmundit në “Etihad”.
Largimi i mundshëm i 22 vjeçarit do të interpretohej një autogol për bardhekaltërit, lojtar që ka dhënë një kontribut te çmuar , sidomos në kualifikimin e anglezëve në fazën gjysemfinaliste të Champions Leagues, aty ku i pret pikërisht Real Madridi.
