Një 35-vjeçar është arrestuar nga policia e Tiranës, ndërsa i vëllai i tij është shpallur në kërkim.
Ata akuzohen se ditën e djeshme i kanë hequr lirinë një 45-vjeçari duke e futur forcërisht në makinë, e kanë kanosur dhe dhunuar për t’u dhënë një shumë parash që pretendojnë se ua kishte borxh.
“Shërbimet e Komisariatit të Policisë Nr. 6, pas njoftimit se një shtetas ishte marrë me forcë nga 2 shtetas të tjerë nga vendparkimi i një lokali në Kombinat, kanë organizuar punën për identifikimin dhe kapjen e autorëve, si dhe për zbardhjen e plotë të këtij rasti. U identifikuan 2 autorët e dyshuar, u kap dhe u vu në pranga njëri prej tyre, shtetasi Alban Bejo, 35 vjeç, si dhe u shpall në kërkim bashkautori i dyshuar, vëllai i 35-vjeçarit, shtetasi Fatmir Bejo., 28 vjeç, të dy banues në Tiranë”, njoftoi policia.
“Nga veprimet hetimore dyshohet se këta shtetas, në bashkëpunim me njëri-tjetrin, mbrëmjen e djeshme, kanë marrë me forcë, me automjet, nga vendparkimi i një lokali, shtetasin Gjergj Fela, 47 vjeç, e kanë kanosur dhe e kanë dhunuar atë, me pretendimin se 47-vjeçari u kishte borxh një shumë parash”, shtuan të njëjtat burime.
