Faruk Ozer, i akuzuar nga autoritetet turke për një skemë mashtrimi me kriptovaluta me vlerë rreth 2 miliard dollarë, është ekstraduar këtë të Enjte nga vendi ynë drejt Turqisë.
Dy ditë më parë, ishte Gjykata e Lartë që vendosi ekstradimin e turkut.
Ai u arrestua më datë 30 gusht 2022, në Himarë. 29-vjeçari ishte shpallur në kërkim ndërkombëtar, pasi Gjykata e Lartë e Stambollit, në vitin 2021, kishte lëshuar urdhër arresti ndaj tij për veprat penale “Krijimi i organizatës kriminale” dhe “Mashtrimi me pasoja të rënda”.
“Mëngjesin e sotëm, specialistët e Interpol Tiranë, ata të Forcës Elitë RENEA dhe shërbimet e Drejtorisë së Përgjithshme të Burgjeve, shoqëruan në Rinas dhe i dorëzuan homologëve të Interpol Ankarasë, shtetasin F. O., 29 vjeç, me qëllim ekstradimin e tij drejt Turqisë. Shtetasi F. O. ishte i shumëkërkuar ndërkombëtarisht, pasi akuzohet se nëpërmjet platformës së shkëmbimit të kriptomonedhave, ka mashtruar rreth 391 000 anëtarë të kësaj platforme dhe ka përfituar rreth 2 miliard dollarë. Ndaj këtij shtetasi Gjykata e Lartë e Stambollit në vitin 2021, ka lëshuar urdhër arresti, per veprat penale ‘Krijimi i organizatës kriminale’ dhe ‘Mashtrimi me pasoja të rënda’. Si rezultat i bashkepunimit të Interpol Tiranës me Interpol Ankaranë, u bë i mundur arrestimi i shtetasit F. O., në Shqipëri, në kuadër të operacionit ‘Brain’, dhe më pas finalizimi i procedurave me ekstradimin e tij drejt Turqisë”, njoftoi policia.
Faruk Ozer zbarkon në Stamboll, pamjet nga mediat turke
Lexo edhe:
Gjykata e Lartë vendos ekstradimin e turkut të kriptovalutave
