Eksperti i kriminalistikës, Ervin Karamuço ngre dyshime se policia punon për grupe kriminale.
Në një emision televiziv mbrëmjen e sotme, ai shprehu rezerva për moszbulueshmërinë e ngjarjeve të rënda kriminale nga blutë.
“Drejtuesit e policisë ose të bëjnë biznes dhe të regjistrohen ne QKB, ose të bëjnë punën e policisë”, u shpreh ai në emisionin “Top Story” në “Top Channel”.
Një sërë vrasjesh të stilit mafioz të ndodhura javët e fundit mbeten ende të pazbardhura, ndërkohë që këtë të Mërkurë ndodhi një tjetër krim në Shëngjin, ku biznesmeni Ardian Nikulaj u ekzekutua me armë zjarri.
