Dalin pamje të reja të autorit që ekzekutoi mesditën e sotme biznesmenin Ardian Nikulaj në ambientet e lokalit “Coral”, ne pedonalen e Shëngjinit.
Siç mund ta shihni në pamjet më poshtë, autori dyshohet se ka kryer krimin i vetëm pasi gjatë gjithë interneratit të lëvizjes së tij, ai nuk është filmuar me bashkëpunëtorë të tjerë.
Ashtu siç u shfaq në momentin e ekzekutimin, kamerat e sigurisë kanë filmuar autorin pas krimit që të ecë i vetëm dhe i pa shqetësuar në rrugë duke drejtuar një motomjet. I veshur me rroba të errëta dhe një jelek fosforeshent ai u zhduk nga vendi i ngjarjes, ndërsa policia ashtu si çdo ngjarje tjetër kriminale nuk ka arrestuar autorin i cili vijon të mbetet në arrati.
Në pamjet e disa orëve më parë u publikua momenti i ekzekutimit ku autori shfaqej i maskuar me maskë anti-covid, skafandër motori dhe jelekun fosforeshent. Dyshohet se autori u kamuflua me uniformë policie dhe jelek të verdhë për të mos ngritur dyshime tek viktima dhe për t’i shpëtuar efektivëve.
Autori është drejtuar nga Ardian Nikulaj dhe në moment të parë për shkak të veshjes së tij është menduar mos ishte punonjës, por ai ka nxjerrë armën duke qëlluar në drejtim të 50-vjeçarit, duke e pasur të qartë shënjestrën e tij.
Drejt viktimës është qëlluar me pistoletë me silenciator të paktën 6 herë, me dy nga plumbat që e kanë prekur në kokë dhe trup, duke i shkaktuar vdekjen e menjëhershme. Brenda lokalit në momentin kur ndodhi vrasja ka qenë biznesmeni 50-vjeçar që mbante postin e kryetarit të PSD-së për qarkun e Lezhës, një kamarier i lokalit dhe një roje sigurie që ka qenë tek dera e jashtme.
- Pista e hetimit
Prokuroria dhe policia kanë një sërë pistash në tryezë për të hetuar dhe njëra prej tyre është ajo e gjakmarrjes, pasi në vitin 2010 vëllai i Ardian Nikulajt është ekzekutuar nga pjesëtarë të fisit Panaj. Gjithçka kishte të bënte me një përplasje të vjetër mes dy fiseve në qarkun e Lezhës, ku pas ekzekutimit të vëllait të biznesmenit, nga fisi Panaj janë vrarë dy persona dhe autorët nuk u gjetën kurrë.
Sakaq, dyshohet se atentatorët e Nikulajt pasi janë larguar nga vendi i ngjarjes me një motorçikletë, më pas kanë lëvizur drejt Tiranës me një automjet tip “Range Rover” me ngjyrë të zezë dhe me targa angleze.
Policia ka ngritur pika kontrolli në hyrje dhe dalje të Lezhës, ndërkohë që është rrethuar edhe zona ku vijojnë kontrollet për kapjen e autorit apo autorëve.
Ndërkohë, mësohet se 50-vjeçari që mbeti i vrarë prej disa kohësh udhëtonte me makinë të blinduar. Nikulaj rezulton i arrestuar më herët për armëmbajtje pa leje dhe kontrabandë e falsifikim.
- Kush ishte krahu i djathtë i Tom Doshit në Lezhë që u qëllua me 6 plumba, dënimet
50-vjeçari, Ardian Nikulaj ka mbajtur postin e drejtorit të ALUIZNI-t në Lezhë dhe ka qenë në zgjedhjet e vitit 2021 kandidat për deputet i PSD-së së Tom Doshit, njihej si person me influencë të madhe politike në këtë qark.
Ai ishte pronar baresh dhe hotelesh dhe zotëronte një nga resortet shumë të njohur te Rana e Hedhun.
Nikulaj kishte precedentë të mëparshëm kriminalë; në 2003 ishte dënuar me 4 muaj burg për armëmbajtje pa leje dhe ishte dënuar me gjobë në 2006 për kontrabandë. Në vitin 2003 e ndërroi mbiemrin në 2003 nga Marku në Nikulaj.
