Kreu i Partisë së Lirisë Ilir Meta në një postim në Facebook ku ndan pamjet e e hyrjes në stadiumin “Air Albania” të kandidatit të koalicionit “Bashkë Fitojmë” për Tiranën, Belind Këlliçi, shprehet se kryeministri Edi Rama është i tmerruar nga fushata e opozitës.
“Rama është tmerruar nga fakti që opozita ecën pa ndalim drejt 14 Majit, është tmerruar nga autobusi i shpresës, nga autobusi i fitores, nga autobusi i triumfit të qytetarëve”, shprehet Meta.
Më tej, kreu i PL nënvizon se shefin e qeverisë e tmerron fakti se kandidatët opozitarë janë zgjedhur në një proces demokratik si “Primaret” dhe jo nga skutat e krimit.
“Është tmerruar nga të gjitha planet e kandidatëve tanë, të cilët kudo tregojnë se e njohin situatën jashtëzakonisht mirë dhe e njohin shumë mirë, sepse këta nuk u shpallën në sekondën e fundit. Ata kanë muaj që janë përgatitur sepse kanë zhvilluar një garë të brendshme dhe gjatë gjithë kësaj kohe kanë qenë në kontakt me qytetarët. Bashkë Fitojmë!”, nënvizon Meta.
