Projekti i portit të Jahteve në Durrës për kandidatin e koalicionit opozitar “Bashkë Fitojmë”, Igli Cara është thjesht dhe vetëm një skemë e madhe për vjedhjen e pronës pulike me vlerë 3 miliardë euro.
Sipas Carës një projekt i tillë për Marinën e Durrësit do të mund të ndërtohej me vetëm 20 milionë euro dhe imazhi do të ishte i njëjtë me atë që ofrohet sot nga qeveria Rama.
Në vazhdën e prezantimit të alternativës së tij për menaxhimin e Bashkisë së qytetit bregdetar, Cara në një postim në Instagram nënvizon se opozita nuk është kundër shëndërrimit të portit të Durrësit në port Jahtesh, por përbuz projektin grabitës të Ramës.
“Ne si durrsakë e kemi menduar shpesh që Porti i Durrësit të kthehet në një port jahtesh. Nuk jemi kundër që të kalojë në një marinë detare. Projekti i Marinës nuk shkonte më shumë se 20 milionë euro. Pra jo më shumë se 1 % të vlerës. Pra nga 2.1 miliardë euro, nuk shkonte më shumë se 20 milionë euro. E gjitha kjo ka qenë një koperturë për të mbuluar vjedhjen e madhe. Kush është vjedhja e madhe, është vjedhja e tokave e pronave të portit, që sipas revistës Monitor shkon në 3 miliardë euro”, u shpreh Cara.
