Tirana ka një skuadër, ndaj së cilës nuk ka marrë një fitore këtë sezon.
Bardheblutë kanë mundur tetë ekipe në Superiore, të paktën një herë. Ama vetëm Vllazninë nuk kanë mundur ta mposhtin dot.
Tirana në tri takime në Superiore ka dy humbje dhe një barazim. Bardheblutë janë mundur në takimin e parë 2-1.
Në takimin e dytë kanë barazuar 0-0, ndërsa në sfidën e tretë shkodranët fituan me penalltinë e diskutueshme të Balajt.Për t’u shënuar, fakti që Tirana këtë sezon e ka mundur Vllazninë në Superkupën e Shqipërisë me rezultatin 3-2.
Në sfidën e fundit në kampionat është mundësia që bardheblutë të marrin fitoren e parë me shkodranët.
Teksa kanë mbetur edhe 7 javë nga përfundimi i kampionatit, Tirana kryeson në kuotën e 53 pikëve, e ndjekur nga rivalët e përjetshëm, Partizani të cilët kanë grumbulluar 48 pikë.
