Shtetet e Bashkuara të Amerikës kanë përgjuar bisedat telefonike të Sekretarit të Përgjithshëm të OKB-së Antonio Guterres me zyrtarë dhe diplomatë të tjerë të OKB-së.
Një lajm i tillë raportohet nga Washington Post, duke cituar dokumente të tjera midis atyre që janë pjesë e rrjedhjeve të Pentagonit.
Midis dosjeve del një në të cilin Guterres thotë se është “i indinjuar” pasi i është mohuar një vizitë në rajonin e shkatërruar nga lufta në Etiopi dhe zhgënjimi me Presidentin ukrainas Volodymyr Zelensky.
Mes përgjimeve kishte edhe bisedime me këshilltarët e tij për takime të tjera diplomatike.
Në një nga dokumentet, Guterres përshkruhet si i pakënaqur me mundësinë për të vizituar Kievin në mars, afër udhëtimit të tij në Afrikë dhe më pas në Zvicër, Irak dhe Katar.
Arsyet e pakënaqësisë së tij nuk shpjegohen, por një diplomat i OKB-së vuri në dukje se Guterres udhëton me fluturime të planifikuara dhe vizita në Ukrainë do të kishte përfaqësuar një tjetër udhëtim të gjatë për 73-vjeçarin.
